Hey........ !?! (skíðafasistar)

Hey, af hverju sé ég þig aldrei á skíðum?
Af því að ég nenni ekki á skíði
Hey, djöfull sniðugar þessar skíðaleigur, græða helling á svona hálfvitum sem tíma ekki að kaupa sér skíði!
Já, reyndar mjög sniðugt fyrir fólk eins og manninn minn sem langar kannski á skíði tvisvar til þrisvar á ári, í mesta lagi
Hey, það eiga bara ALLIR að kaupa sér skíði!
Æji, þetta gengur úr sér á nokkrum árum, til hvers að kaupa ef maður getur leigt
Hey, af hverju sé ég þig aldrei á skíðum?

Alveg með ólíkindum hvað fólki sem finnst gaman á skíðum, finnst að öllum öðrum eigi líka að finnast gaman á skíðum. Oft er þetta fólk með sjúklega þörf fyrir hvers konar hreyfingu og tíundar það fyrir svona sófakartöflum eins og mér. Þegar viðkomandi byrjaði í 6.skiptið að spyrja mig af hverju ég væri ekki alltaf uppi í fjalli með börnin mín, þá sagði ég bara:

Hey, hvað last þú síðast skemmtilegt fyrir börnin þín?!!???!!!!!!!!!!!!!!!!!!!!!!!!!!!

....og samt er ég
Nefmælt

Athugasemdir

[Nefmælt og Kokmælt, 21.3.2008 kl. 01:17]

Pant vera memm í sófakartöfluliðinu!

Kokmælt

[Hildigunnur Rúnarsdóttir, 21.3.2008 kl. 12:21]

kaupa skíði, jahá, þegar maður kemst á skíði svona sirka annað eða þriðja hvert ár hér á höbbuðborgarsvæðinu...

[Elías Halldór Ágústsson, 21.3.2008 kl. 12:44]

Hef ég séð þig á hjóli?

[Díta (IP-tala skráð) 21.3.2008 kl. 20:08]

[Hildigunnur Rúnarsdóttir, 21.3.2008 kl. 22:51]

hmm, þetta með hjólið virkar ekki á minn skíðaentúsíastbróður, hann er nefnilega líka oft á hjóli...

Reyndi í gær að veiða son minn inn í skíðadellu, sá er sem betur fer búinn að gleyma aftur og farinn að suða um sund eins og hann er vanur.

[Hildigunnur Rúnarsdóttir, 23.3.2008 kl. 17:29]

(já og les reyndar líka mikið fyrir börnin)

[Þorbjörn bróðir Hildigunnar (IP-tala skráð) 23.3.2008 kl. 20:04]

Já, ég viðurkenni það. Ég er skíðafasisti. Og afar sæll með það.

Ég vil taka það fram hér að ég ætlaðist ekki til að systir mín splæsti á skíði á Finn litla frænda heldur einmitt leigði þau. Og ég veit að Fífu systur hans dauðlangar á skíði eftir að hún fékk bakteríuna í skíðaferð til Dalvíkur í fyrravetur.

Svo þetta átti nú bara að vera góðverk hjá mér.

[Vælan yngsta systirin (IP-tala skráð) 23.3.2008 kl. 21:30]

er ekki bara málið leyst með því að Fífa fari með krakkann á skíði? ;)

Og lýkur hérmeð rökræðum systkina á gjörókunnugu bloggi!

[Nefmælt og Kokmælt, 24.3.2008 kl. 12:24]

Jahérna hér, gaman að detta svona inn í miðjar systkinaerjur - endilega haldið bara áfram .
Kokmælt

[Hildigunnur Rúnarsdóttir, 24.3.2008 kl. 13:31]

hehe, ætli séu enn rútuferðir á skíði?

foreldrarnir hafa að minnsta kosti alveg mínus áhuga, og unglingurinn ekki kominn með bílpróf...

[Hildigunnur Rúnarsdóttir, 24.3.2008 kl. 13:39]

(og nei, ég var ekkert að ásaka minn kæra bróður um að hafa ætlað mér að kaupa skíði, sú athugasemd var ætluð skíðafasistanum sem talað er um í færslunni...)