Spurning

Hvað gerir maður við brúðkaupsmyndir af sjálfum sér og fyrrverandi eiginmanni, voða fínar teknar á ljósmyndastofu? Beats me...

Eftirá(hár)greiðslur

Villtist inn á heimabankann og asnaðist til að skoða hvað næsti visa reikningur verður hár. Hann verður svimandi. Svo ég fór að lesa í gegn:
blablablabla matur 
blablablabla vín
blablablabla matur
blablablabla matur
blablablabla húsgögn
blablablabla matur
blablablabla snyrtistofan
blablablabla matur
blablablabla matur
blablablabla hárgreiðslustofan
blablablabla matur
...............

Ef ég á að vera hreinskilinn er miklu meira matur en þarna er skrifað, allt blablablabla þýðir nefnilega matur. Það er búið að éta megnið af honum. Færslan frá hárgreiðslustofunni er svimandi há, reyndar sjampó þar og næring sem endist vonandi eitthvað fram að jólum, en hárið er óneitanlega farið að vaxa úr sér aftur. En snyrtistofan mar!! splæsti á mig allskonar vaxi og dótaríi og fínaríi af því að ég var að fara í veislu, en missti svo af henni af óviðráðanlegum örsökum. Hef bara verið í síðermabolum og vinnubuxum síðan og ekkert verið að flagga neinu fíneríi, og núna er allt ógeðið farið að vaxa aftur (og ég ekki að tíma að "vaxa"). Vínið er ég auðvitað búin að drekka með bestu lyst þó svo að ekkert hafi verið tilefnið.
Niðurstaða: Maturinn uppétinn, vínið drukkið og höfuð og líkamshár farin að vaxa villt.
ÁÐUR EN ÉG ER BÚIN AÐ BORGA FYRIR ÞAÐ!!Það er þrennt í stöðunni

1. Hætta að nota kreditkort (glætan.. og lifa á hverju þegar ég er búin að eyða öllum peningnum í að borga neyslu síðasta mánaðar)
2. Hætta að eyða í vín, föt og snyrtistofur (og hvað.. enda eins og sú gamla í færslunni hér fyrir neðan?)
3. Fara á námskeið í heimilisbókhaldi(over my dead body.. bolalegast í heimi!!)

Kannski get ég bara farið fram á að þurfa ekki að borga fyrir það sem sést ekki lengur. Þá standa bara húsgögnin eftir og ég er alveg til í að borga það.. hvað haldið þið?

(ótrúlega góð ritunaræfing að skrifa blablablabla.. hvet ykkur til að prófa)

kveðja
Nefmælt

Hár, föt og vín

I was walking down the street when I was accosted by a particularly dirty  and shabby-looking homeless woman who asked me for a couple of dollars for dinner.
I took out my wallet, got out ten dollars and asked,

"If I give you this money, will you buy some wine with it instead of dinner?" 

"No, I had to stop drinking years ago", the homeless woman told me.

"Will you use it to go shopping instead of buying food?" I asked.

"No, I don't waste time shopping," the homeless woman said. "I need to spend  all my time trying to stay alive." 

"Will you spend this on a beauty salon instead of food?" I asked. 

"Are you NUTS!" replied the homeless woman "I haven't had my hair done in 20 years!"

"Well," I said, "I'm not going to give you the money. Instead, I'm going to take you out for dinner with my husband and me tonight." 

The homeless woman was shocked. "Won't your husband be furious with you for doing that? I know I'm dirty, and I probably smell pretty disgusting." 

I said, "That's okay. It's important for him to see what a woman looks like after she has given up shopping, hair appointments, and wine."

Kokmælt

Getraun

Fyrir svona fimm árum síðan mætti ég í safnaðarheimili eitt til að aðstoða vinkonu mína við að undirbúa fermingarveislu. Sem ég geng í salinn er lítill kór að æfa við píanóundirleik. Ég er mikil áhugamanneskja um söng og horfi  því  velþóknun yfir hópinn samhliða göngunni. Sé ég þá ekki svona svakalega sjarmerandi mann sem stendur við endann og syngur af innlifun með hinum. Meðalmaður á hæð, dökkhærður, dökkur yfirlitum, þykkar augabrúnir, sexý varir, ómótstæðileg útgeislun... hann horfði á móti og sendi mér geislandi bros. Ég rankaði við mér rétt í þann mund sem ég var við það að ganga beint á veisluborðið. Þá rann það upp fyrir mér að eitthvað kannaðist ég nú við manninn.. hafði sé hann áður - var hann í auglýsingu? gamall skólabróðir? (ekki gamall kærasti svo mikið er víst, því hefði ég munað eftir). Þá laust því allt í einu niður í hausinn á mér, þetta var krúttið úr tómatsósuauglýsingunn, hver man ekki eftir:

Hann: "Þú segir núðlur"
Hún: "og þú segi pasta"
Hann: "Þú segir punktur"
Hún: "..ég segi basta"
Bæði: "Og þó við séum ekki sammál' um neeitt, þá er við þó sammál' um eitt"

Hann er nú þó nokkuð þekktara andlit í dag en hann var þá. Núna fæ ég í hnén bara við að sjá hann á mynd. Hann er ótrúlega sexý svona í alvörunni. Hver er maðurinn?

 

Fyllerísmórall

Hvað er maður að þykjast eitthvað kominn á þennan aldur? Stenst  bara ekki áskorun og læt það ekki fréttast um mig að ég geti ekki skolað niður nokkrum Tequila skotum í framhaldi af villtri hvítvínsdrykkju. Þegar ég staulaðist út af skrautlegum bar í kringum miðnætti, tók ég þá vitrænu ákvörðun að labba heim. Horfði einbeitt á gangstéttarhellurnar upp allan Laugaveginn til að skjögra ekki áberandi mikið til hliðanna, hvernig á maður líka að geta gengið beint þegar sjónin flöktir svona hrikalega?

Tókst að hitta engan sem ég þekki á leiðinni, tókst að hitta með lyklinum í skráargatið, tókst að kasta mér upp í rúm í öllum fötunum áður en ég drapst. Þakka góðum vættum fyrir að hafa ekki gengið í flasið á unglingsbarninu mínu sem kom heim örskammri stundu síðar, og sambýlismanninum fyrir að hafa haft rænu á að loka inn til mín og slökkva ljósið svo barnið sæji ekki móður sína útúrdrukkna í öllum fötum uppi á rúminu.

Bara TAKK
Nefmælt

Próf hvað..

Bara suddagott test á síðunni hennar Kötu sem ég varð nottla að prófa, passar ótrúlega vel við mig..

Samkvæmt kaffiprófinu er ég
Svart te!
.. þótt það hljómi furðulega.
Hvernig kaffi ert þú eiginlega?

Týpískt fyrir mig að taka kaffipróf og enda sem TE!

kveðja
Nefmælt

Ég er af þeirri gerð að ég verð alltaf að taka öll svona próf og sjá hvað ég er (hef nefnilega ekki hugmynd um það sjálf!). Svo ég ætla að taka mér það bessaleyfi nefmælt mín, að bæta minni niðurstöðu bara inn á þetta fína innlegg þitt:

Samkvæmt kaffiprófinu er ég
Bankakaffi!
..sívinsælt og bráðnauðsynlegt.
Hvernig kaffi ert þú eiginlega?

Bankakaffi? Þýðir það að ég sé þessi útúrstressaða bankatýpa? Humm?

Kokmælt

Speki dagsins

Já það er ýmislegt sem maður finnur á netinu. Misgáfulegt. Ég ákvað upp á mitt einsdæmi að stytta einn listann úr tuttuguogeinu atriði niður í sjö. Mun læsilegra og minna crapp. Vil sérstaklega benda á punkt númer fjögur, hann er í uppáhaldi hjá mér. Hvað finnst ykkur best?

• Do not walk behind me, for I may not lead. Do not walk ahead of me, for I may not follow. Do not walk beside me either. Just pretty much leave me the hell alone.

 

• Always remember that you're unique. Just like everyone else.

 

• Before you criticize someone, you should walk a mile in their shoes. That way, when you criticize them, you're a mile away and you have their shoes.

 

• Give a man a fish and he will eat for a day. Teach him how to fish, and he will sit in a boat and drink beer all day.

 

• If you lend someone $20 and never see that person again, it was probably worth it

 

• There are two theories to arguing with women. Neither one works.

 

• Experience is something you don't get until just after you need it.

 Kveðja

Nefmælt

Stuðningsyfirlýsing við sjálfa mig

Að mörgu leyti er ég sammála því að hóf sé best í öllu, meðalvegurinn sé gullinn og öfgar til óþurftar. En þegar kemur að tilfinningalífinu gegnir öðru máli. Fólk sem aldrei skiptir skapi er bara hundleiðinlegt. Ég er ekki að tala um að maður eigi að úthella sínum hjartans málum yfir næsta mann, en þegar maður þarf að fá að tuða og væla þá á maður að fá að gera það án þessa að besta vinkonan/móðirin/frænkan fari að tala um Gunnu í næsta húsi sem eigi nú enn fleiri börn og miklu meiri vandamál.

Hvernig er hægt að gleðjast á góðum dögum ef maður má ekki væla svolítið á verri dögum. Þegar kemur að tilfinningalífinu kýs ég sveiflur og svig í staðinn fyrir hinn gráa meðalveg. það er minn réttur.

Í dag er ég viðbjóðslega pirruð!!!!!!!

kveðja
Nefmælt

Hárvöxtur í efra og neðra

Ég var búin að lofa pælingum um hárvöxt og hárleysi og ætla að myndast við að koma þeim á "blað*.

Mér þykir þessi krafa um hárleysi kvenna nefnilega nokkuð merkileg. Ég hef reyndar ekki kannað málið nákvæmlega en ég tel að þetta sé tiltölulega nýtt fyrirbæri, varla mikið meira en 30, 40, kannski 50 ára gamalt.
Það vekur áhuga minn er að það eru bara konur sem eiga að vera hárlausar, ekki karlmenn. Reyndar komst það í tísku fyrir nokkrum árum að karlmenn vöxuðu/rökuðu bringu og bak en skv. mjög áreiðanlegum heimildum (amerískum slúðurblöðum) er það á undanhaldi.
Á sama tíma eiga konur að vera hárlausar á sífellt fleiri stöðum - annað er bara ógeðslegt.
Hvers vegna?
Af hverju vekur það ógeð og klígju (svo ég vitni í Lúther úr athugasemdum hér að neðan) að konur séu með hár undir höndum, á leggjum og kynfærum?
Hárvöxtur er merki um kynþroska, eiga konur semsagt að líta út fyrir að vera ekki orðnar kynþroska?

Þetta er líka merkilegt í ljósi þess að allt þetta hárleysi er ekkert endilega gott fyrir konur. Nýleg rannsókn sýndi að það getur haft ýmiss slæm áhrif á kynfæri kvenna að vera alveg hárlaus - t.a.m. útbrot, kláða, exem og ein rannsóknin vildi meina að aukin þvaglekavandamál ungra kvenna á Íslandi mætti m.a. rekja til þessa. Það eru nefnilega hvergi í heiminum eins margar ungar stúlkur sem eiga við þvagleka að stríða en hér á Íslandi (miðað við höfðatöluna góðu).

Það er líka merkilegt að stúlkur niður í 15 ára aldur eru farnar að fara reglulega í braselískt vax.
Til hvers? Fyrir hvern?
Þetta fyrirbæri er nefnilega algjörlega tilbúið, það er engin vísindaleg, líffræðileg eða nytjaleg ástæða fyrir því að konur eigi að vera hárlausar - einungis "fagurfræðileg".

Eða hvað?

Kokmælt

Öxl til að væla á

Hvað gerið þið þegar ykkur vantar einhvern til að væla í? Einhvern til að segja frá öllu því sem er að angra ykkur og gera lífið ykkar flóknara og erfiðara en það ætti að vera? Eða bara þegar mælirinn fyllist stundum og þið þurfið að tappa af?
Einhvern sem segir bara "æjæj, aumingja þú" og "mikið áttu bágt" og "svona svona".
En þegar allir sem þú talar við segja bara "þetta reddast" og "þetta verður allt í lagi" og "elskan mín, þú gerir bara svona og hinsegin" og "uss, þú reddar þessu bara".

Sem er ekki það sem maður þarf heldur bara einhver sem nennir að hlusta og vorkenna manni smá.

Því þá getur maður yfirleitt bara skælt þetta úr sér og haldið áfram.

Kokmælt